Tuis | Nuus

Patrollies en radio’s red lewens

Niemand wil hierdie tipe opskrifte soos die een hier onder sien nie, veral nie wanneer dit beriglewer op ’n voorval in ons eie area nie. Ons mense is in gedrang, en ja, ons is almal baie besig. Maar wanneer gaan ons betrokke raak en by georganiseerde patrollies soos die van MootGi en die verskeie GPF’s betrokke raak. Gemeenskapsradio’s red lewens en jou goed. Met meer oë en ore op die pad kan ons berigte soos die hieronder skerp laat afneem.




 

Die afgelope maand is my eie huis 2 keer gestroop. In beide gevalle het ek my gemeenskapsradio gebruik om vir bystand in te roep.

Sonder om te oordryf; in beide gevalle was MCS, KPS en gemeenskapspatrollielede binne 2 minute op die toneel, en ek kon saam met gewapende, opgeleide manne deur my huis gaan om te sien of die booswigte nog daar skuil.

Gemeenskapsradio’s is soos ’n wapen wat nie op iemand in jou eie gesin gerig kan word nie, jy hoef nie ’n bevoegdheidstoets te slaag om dit te rig nie, en die reaksie aan die anderkant van die radio is enige tyd van die dag of nag, slag gereed om jou by te staan. Meer patrollies sit meer oë-en-ore en radio’s in die strate tussen ons huise. Meer patrollies is direk eweredig aan die afname van misdaad en meer positiewe arrestasies. Raak asseblief betrokke!

 


 

Bejaardes wreed aangeval

Op Dinsdag, 27 Desember 2016, is Corrie Visser en sy vrou Gerrie aangeval in 12de Laan, tussen Swemmer- en Ben Swartstrate, in Pretoria-Moot.

Corrie Visser (75) is op die toneel oorlede en sy vrou Gerrie (78) was in ’n stabiele toestand in die hospitaal opgeneem, maar het Donderdag beide ’n epileptiese en beroerte aanvalle gehad na die wrede aanval in hul huis.

Daar was geen geforseerde toegang nie. Die motief vir die aanval is nog nie bekend nie, en SAPD kon nog nie vasstel of enigiets uit die huis gesteel is nie.

MootGi bestuur betreur hierdie voorval. Ons gebede is by die tannie en naasbestaandes.

Lees meer in Rekord-Moot

 


 

MootGi Patrollies

Hierdie diens word deur die inwoners self vanuit die MootGi-area verrig, deurdat die area gepatrolleer word en uitgekyk word vir verdagte persone en voertuie.

Die patrolleerders konfronteer nie verdagtes nie, maar gebruik hul teenwoordigheid om voornemende misdadigers se bewegings te monitor en te rapporteer.

Die patrollie voertuie kan gemerk word met magneetnaamborde. Bevel en beheer is deur die behherkamer met die lid se Gemeenskapsradio. Patrollies word deur lede met hul eie voertuie gedoen.

’n Goeie aantal vrywilligers patrolleer reeds die area. Die patrollie las rus op hierdie vrywilligers en die aantal patrollies wat gery word is onderhewig aan die beskikbaarheid van patrolleerders.

 

Moot-rowers vas

Twee rowers is geskiet en gewond nadat ’n skietery tussen hulle en die polisie op die hoek van Steve Bikoweg en Fred Nicholsonstr losgebars het.

Read more...

 

Just Imagine: Moot die veiligste woon gebied in Pretoria

Just Imagine Properties is werksaam in die Moot en vat hande met MootGi (Moot Gemeenskaps Initiatief) en die GPF om die Moot omgewing veilig te hou en te verseker dat mense ’n medium het om te kommunikeer met die Polisie en sekuriteitsfirmas.

Read more...

 

Steunpilaar val weg

Tanie Jalette Steynberg was juis dit; ’n berg, ’n steenberg! Of te wel; ’n steunpilaar, na aanleiding van die artikel se titel. 

Read more...

 

Beurtkrag! Brandgevaar en versekeringkrisis!

Versekeringseise piek midde beurtkrag

Eskom beurtkrag bring verskeie risiko’s en verbruikers moet waaksaam wees om te verseker dat enige gevolglike versekeringseise sal slaag.

Read more...

 
More Articles...