Tuis | Nuus

Dis mos ons plek die!

Ek het op 20 Januarie twee nuwe bande op my motor laat sit, op die hoek van 30ste laan en Nico Smith.

Ek sien toe ’n man wat besig was om bossies op die sypaadjie uit te skoffel en te verwyder. Ek vra hom toe wie hy is en vir wie hy dit doen? Hy sê toe hy werk vir Rapid Rentals. Rapid Rentals se kantore is toe net aan die oorkant van Nico Smith Straat.

Toe ek by hulle kantoor navraag doen om uit te vind hoekom hulle dit doen, sê Thinus Jacobs van Rapid Rentals, dat hulle moeg is om oor die brug te ry en te sien hoe slordig dit alewig lyk.

Ek dink dat ons as ’n gemeenskap meer sulke dinge moet doen, en minder moet kla oor hoe min die regerende party doen.

Rapid Rentals, bravo! Julle voorbeeld en leierskap word deur baie raak gesien, en sal hopelik nog baie gemeenskapslede en plaaslike besighede inspireer om nie net van die kantlyn af te mor en kritiseer nie, maar om daadwerklik betrokke te raak.

Namens my gesin, my bure en die breër gemeenskap, wil ek julle hartlik bedank. Wel gedaan!

Dewald Burger - Gemeenskapslid

 

Moot Wenners

Ek was gister so dankbaar om te ontdek dat daar nog mense in die Moot is wat vir ander mense omgee.

Ek het omtrent 2 weke gelede my sleutels verloor — van die kattebak af geval. Ek was diep in die moeilikheid — Ons alarm, huis, hek en my kantoor sleutels is alles saam gebondel.

’n Dame genaamd Gerda, het die moeite gedoen om die sleutels op te tel en vir Hendrik van der Westhuizen van MootGi te gee.

Sy het duidelik besef dat die sleutels in verkeerde hande ’n groot probleem sal skep.

Ek het by die SAPD, op facebook, by verskeie huise in die straat en by Dirk Postma Skool navraag gedoen en uiteindelik by die Aros Kollege se Hoof van sekuriteit uitgekom met my probleem.

Groot was my verbasing dat die man verskeie oproepe gemaak het en by Hendrik verneem het dat hy ’n verlore bos sleutels by hom het. Jy kon my met n veer omslaan so groot was my verbasing en dankbaarheid.

Mense van die gehalte word net geseën deur on Hemelse Vader en laat my aan die DANIE BOTHA liedjie dink want hulle is WENNERS, WENNERS, WENNERS!

Dit is ook vir my duidelik hoekom die Moot Gemeenskapinisiatief so groot sukses is!!

Nogmaals dankie die WENNERS.

Jan Koen - Gemeenskapslid

 

Water is lewe!

Water infographicOns land het eenvoudig net nie genoeg water nie, en boonop respekteer ons dit glad nie soos ons behoort te doen nie. “Google” soek maar gerus die woorde “water” en “droogte”, en jy sal gou sien dat ons land in ’n beklemming is, en boonop het hierdie lang en warm somer nog etlike weke en maande om te gaan.

Read more...

 

Gras vir Hoop

Ons gemeente het dit goed gedink om betrokke te raak by die Gras Vir Hoop-Projek. Dit behels in kort die verskaf van huishoudelik gesnyde gras wat afgelewer word aan die naaste versamelpunt. Die gras word dan uitgedroog en met ’n spesiale masjien tot korrels verwerk wat dan oor ’n lang tyd gestoor kan word. 50kg van die korrels kan ’n skaap tot ’n maand van kos voorsien!

Read more...

 

Vraag-en-antwoord: Elsabe van Staden - Voorsitter: MOOT GPF

Geniet u u werk?

Ek werk voltyds en geniet dit baie. Behalwe dat ek die GPF Voorsitter is, is ek ook Voorsitter van een van ons drie sektore; sektor 2.

Read more...

 
More Articles...