Tuis | Nuus

PUMA

PUSH UNTIL MEDICS ARRIVE!

MootGi het soos geadverteer, op 24 Augustus ’n basiese-beginners noodhulp kursus vir die gemeenskap gratis aangebied. MootGi se groot dank en waardering gaan uit na Hugo Minnaar en die personeel van International Medical Services (IMS) wat die kursus behartig en aangebeid het. Sonder julle kan ons die gemeenskap nie op dié manier dien nie.

Hugo Minnaar en sy span het op vermaaklike wyse die gemeenskap toegerus met die waardevolle,  lewnsreddende vaardigheid wat vandag as KPR bekend staan, of mond-tot-mond asemhaling soos die ouergarde gesê het.

Soos op die foto’s duidelik is, het oud-en-jonk kom leer hoe om vir hul geliefdes en medemens in die bres te tree, indien die dag sou kom wat hulle redding benodig. IMS het ook gewys hoe motorfietshelms van beseerde ryers verwyder word sonder om nekbeserings te vererger, voor KPR toegedien kan word. Hoe om bloeding in verskillende situasies en toestande te stop. Hoe om beseerdes met moontlike spinalebeserings te draai en te hanteer. Hoe om te bepaal wie jy eerste help by ’n ongelukstoneel, watter beserings jy eerste hanteer.

Hierdie is als kritiese vaardighede. Kyk uit vir MootGi se volgende kursus. Dankie weereens Hugo en die IMS span. Onthou, moenie huiwer om te help nie.

PUSH UNTIL MEDICS ARRIVE

 

Moot juweel mik vir die kroon

Dalein Booysen is ’n meisie hier uit ons wêreld, die lieflike Môregloed om presies te wees. Dalein is nou 21 en iemand met baie talent en hoë aspirasies.

Soos julle kan sien is dié juffrou nie net ’n baie mooi jong dame nie, sy be-oog om die volgende Mej. Doof Suid-Afrika te wees.

Die Mej. Doof Suid-Afrika (MDSA) skoonheidskompetisie bied al meer as ‘n dekade inspirasie, geleenthied en ondersteuning aan jong dowe vroue. Volgens Liviena Smit, die Gauteng-streekbestuurder vir MDSA, is hul visie om toe te sien dat Suid-Afrika se dowe burgers deur middel van die skoonheids- en vermaaklikheidsbedryf ontwikkel word deur selfdissipline, vertroue en om kultuurvryheid te bevorder en geleenthede te bied om dowes te bemagtig deur middel van gesonde kompetisie.

Dalein het reeds deur gedring na die finale nasionale kompetiesie, en indien sy op 15 September — tydens ’n deftige gala-aand — die ander 8 finaliste uitstof, en as Mej. Doof Sui-Afrika bekroon word, sal sy ons land, die Moot en Môregloed in die Mej Doof Wêreld kompetiesie verteenwoordig.

 


 

Stem vir Dalein

om die “Public Choice Award” te wen

SMS “MDS 03” na 47439

(R3 p/sms)

Gaan “like” ook haar foto op die MDSA FB-blad

Stemming sluit 6 September 2017

https://www.facebook.com/mdsapageant


 

Die interressante dametjie studeer tans deur die GIA (Gemologiese Instituut van Amerika) met ’n beurs van die Universiteit van Amerika, om ’n diamantslyper te wees, wat nie net slyp nie, maar sortering en gradering ook behartig. Sy het reeds 2 van die 3 diplomas wat sy benodig verwerf. Sy hoop om binnekort diamante by een van die groot diamantmyne te slyp. Sy is nogal vernuftig en slim ook!

Volgens Alsie Booysen, Dalein se ma, het die afgelope 6 maande haar kind ontwikkel tot ’n selversekerde persoon wat betrokke is, en voluit deelneem in dit wat sy aanpak. Sy het die projekte wat sy moes doen om punte in te samel vir die kompetiesie met puik resultate voltooi. Deel van die kompetiesie is ook om fondse in te samel vir die MDSA, waarmee die MDSA kinders uit die breë gemeenskap help om gehoorapparaat en kogliêre inplantings te kry.

Ek, as iemand wat in Môregloed groot geword het, en ek is seker elke persoon in die Moot, hoop en bid dat Dalein die volgende prestasie in haar lewe met gemak sal behaal. Ons sien uit om te sien hoe jy ons verteenwoordig.

Eugene Henning

 

 

Rapportering van Munisipale klagtes

MootGi het ’n Infographic — soos die modewoord sê, vir jou gerief gemaak. Druk hom uit en sit dit op jou yskas!

 

Read more...

 

Lisensiediens sabotasie?

Na aanleiding van die vlaag van inbrake en diefstal by die Waltloo-, Akasia- en Centurion-lisensiëringsentrums en die gevolglike frustrasie vir motoriste, wil die Stad Tshwane die betrokke persone in kennis stel van alternatiewe bepalings wat in hierdie verband gemaak is.

“Ingevolge die wet kan ’n bestuurderskaarthouer hul lisensie by enige lisensiëringsentrum in die land hernu, en enige ander gerieflike toetssentrum kan in hierdie verband genader word. Dit impliseer dat motoriste nie boetes moet kry vir vervalde lisensie skywe nie, Aangesien hulle dit by enige naaste poskantoor kan hernu, “het mnr. Derrick Kissoonduth, MMC vir gemeenskapsveiligheid, gesê

’n Beperkte bestuurderslisensie-hernuwingsdiens is vanaf Donderdag 13 Julie 2017 by die Centurion-lisensiëringsentrum ingestel.

Aansoekers wat in besit is van ’n oogkundige toets sertifikaat, sal gehelp ??word. As gevolg van die inbraak is hierdie diens egter ongelukkig beperk tot ongeveer 100 kliënte per dag.

Aansoekers wat die Akasia- en Bronkhorstspruit-lisensiëringsentrums besoek, word aangemoedig om ’n oogkundige sertifikaat saam te neem. Dit sal die proses vinniger maak.

Die Uitvoerende Burgemeester van Tshwane, Solly Msimanga, het die rooftogte verlede week tydens ’n perskonferensie veroordeel en verklaar dat hy deur hierdie rooftogte kwaad is en alles in ons vermoë sal doen om te verseker dat diegene wat verantwoordelik is vir die rooftogte tot boek gebring word. Dit is hoekom ek toesig hou by die betrokke lisensiëringsentrums om self die stand van sake te sien en om vas te stel watter verdere langtermyn stappe deur hierdie administrasie geneem kan word om te verseker dat hierdie rooftogte voorkom word sodat ons mense die diens kan kry wat hulle verdien.”

Voorval 1 by Waltloo

Die Waltloo-lisensiëringsentrum is op 1 Junie 2017 beroof. Die volgende toerusting is gesteel:

 

  • Sewe rekenaars wat gebruik word vir oog toetse en duim drukke;
  • ENaTIS rekenaars;
  • Een inkomste-inligtingbestuurstelsel;
  • Drie van die stad se rekenaars.

 

Voorval 2 by Waltloo

Dieselfde lisensiëringsentrum is weer op 20 Junie 2017 beroof. Sekuriteitspersoneel en amptenare van die Stad is deur onbekende aanvallers aangerand en beseer. Die rowers het ’n sekuriteitswag na die kluis begelei en ’n onbekende bedrag geld gesteel.

Ons waardeer dat hierdie voorvalle ons inwoners ongerief veroorsaak, en daarom sal die volgende dienste by die Waltloo Lisensiëringsentrum gelewer word ten spyte van die inbrake:

 

  • Afhaal van bestuurderslisensies;
  • Aansoek om leerling- en bestuurderslisensies; en
  • Toets vir leerling- en bestuurslisensies.

 

Ongelukkig sal die sentrum nie in staat wees om professionele bestuurderslisensies en gewone bestuurslisensies te hernu totdat die toerusting vervang is nie.

Centurion Lisensiëringsentrum

’n Voorlopige ondersoek het aan die lig gebring dat rekenaars, kamera toerusting en eNaTIS skerms gesteel is. Die Centurion-lisensiëringsentrum is onmiddellik gesluit om die SAPD kans te om ondersoeke af te handel.

Die resultaat van die misdaad:

 

  • Slegs leerlinglisensie- en bestuurderlisensietoetsing asook die afhaal van bestuurderslisensiekaarte kan tot verderre kennisgewing gedoen word.
  • Geen hernuwings van bestuurderslisensiekaarte is tans moontlik nie.

 

Onderhandelings is aan die gang om die dienste so gou moontlik te normaliseer.

Akasia Lisensiëringsentrum

Geleë in die noorde van die hoofstad het die Akasia Lisensiëringsentrum op 6 Junie 2017 ’n inbraak beleef. Gelukkig is niks geneem nie, en die vinnige reaksie van die Tshwane Metropolitaanse Polisiedepartement en SAPD het die inhegtenisneming van twee mense opgelewer. Die rowers het probeer om toegang tot die kluis te kry, maar was onsuksesvol.

Ons is dankbaar aan ons mans en vroue wat vinnig opgetree het en ons sal maatreëls tref om te verseker dat soortgelyke inbrake by die ander lisensiëringsentrums voorkom word.

Die publiek word daaraan herinner dat hulle vir enige ander operasionele sentrum vir bestuurderslisensie-toetsing of verwante dienste kan besoek. Dit beteken dat Tshwane-inwoners nie beperk is tot Tshwane-sentrums nie.

Die Stad, tesame met die TMPD, het spoedige veiligheidsmaatreëls voorgestel om sodoende ’n herhaling van sulke voorvalle te voorkom. Buite en binne sekuriteitstegnologie sal opgradeer word na die hoogste standaard. Hierdie ingryping sal uitgerol word na alle ander lisensiëringsentrums in Tshwane.

Ons is versigtig optimisties dat die polisie die oortreders sal vastrek wat daarop uit is om dienslewering in Tshwane te belemmer. Ons sal nie afgeskrik word in ons strewe om Tshwane ’n veilige en doeltreffendede stad te maak nie.

Op hierdie stadium kan ons nie ’n tydraamwerk bepaal nie weens die menigte prosesse wat gefinaliseer moet word, insluitend maar nie beperk tot ons betrokkenheid by die betrokke provinsiale strukture nie. Dit is genoeg om te sê dat die Stad op alle fronte werk om die prosesse te bespoedig en die ongerief wat deur die rooftogte veroorsaak word, te verminder en te voorkom.

 

Watermeters weer in gedrang

Maandag 24 Julie slaan die watermeter-booswigte weer toe! Dou-voor-dag stroop hulle ’n paar meters in Cunninghamlaan

Die dou was nog nie behoorlik van die gras af gebrand nie, of Tshwane se makkers: Maake, Phago en Nelson, van die water departement, was daar om die sproeiende oorblyfsels te herstel.

Komplemente aan Tshwane vir die flinke diens! Sien bl. 2 vir fout en klagte rapportering aan Tswane. Jy kan die blad sommer op jou yskas hou vir verwysing.

 
More Articles...