Tuis | Nuus | Nuusbrief | Watermeters by dosyne!

Watermeters by dosyne!

Een kriminele aktiwiteit wat in ons area en oral in Gauteng voorkom, is die diefstal van enigiets wat van koper en ander metale gemaak word, weens hul herverkoopwaarde. Dit is hoofsaaklik te wyte aan die erge armoede in ons land. Soos in die Julie 2017 Nuusbrief van MootGi berig is, is hierdie misdaad besig om oral hand uit te ruk. Ek het gewonder hoekom Die Tshwane-Raad nie ’n span aanstel om al die Koper watermeters te verwyder, en die met plastiek meters te vervang nie.

Op die wyse kan die raad die koper watermeters vir skroot verkoop teen ’n wins en die koste van installasie en die koste van die plastiekmeters daarteen afskryf.

Ten minste kry die booswigte wat soveel omgerief en vermorsing veroorsaak nie die voordeel van die gesteelde wins nie.

Sien MootGi se Augustus 2017 nuusbrief, bladsy 9, onder die artikel met die selfde naam, en kliek op die foto’s om watermeterrowers in aksie te sien.