Tuis | Nuus | Nuusbrief | Boomplantkompetisie

Boomplantkompetisie

Hoekom doen ons dit?

Met hierdie kompetisie wil MootGi poog om meer as 500 bome in ons omgewing geplant te kry. Ons wil ’n volhoubare invloed op ons omgewing hê, en dit vir deelnemers die moeite werd maak om deel te neem. Lees verder vir meer inligting.

 

Reëls, Terme en Voorwaardes

Hierdie Reëls, Prosedures, Terme en Voorwaardes is opgestel om deursigtigheid en regverdigheid teenoor alle deelnemers te verseker. MootGi bestuur sal geensins afwyk van hierdie Reëls, Terme en Voorwaardes nie.

1. Prysgeld

  1. 1ste prys = R 1,500.00
  2. 2de prys = R 1,000.00
  3. 3de prys = R 500.00

2. Wat deelnemers benodig om deel te neem

  1. 1 (een) Nuwe inheemse boom per inskrywing.
  2. Dik swart permanente kouki en skoon wit A4-papier
  3. Iemand om jou af te neem
  4. Toegang tot WhatsApp

3. Prosedure

  1. Skryf jou naam, van, selfoon, epos, boom se naam en plant datum op A4 papier neer met ’n dik swart koukie.
  2. Sit die boom langs die gat.
  3. Sit die papier by die boom en die gat neer.
  4. Neem ’n duidelike foto van jouself, die boom, die gat en die papier (boom buite gat).
  5. Skrif op die papier moet duidelik leesbaar wees op die foto wat as inskrywing ge-WhatsApp word.
  6. Met die boom in die gat, neem nog ’n foto, met jouself, boom en papier.
  7. WhatsApp 2 foto’s na: 071 9972 071.
  8. Inskrywings moet voor 30 November 2017 in wees.

4. Algemeen

  1. Deelnemers moet alle reëls, prosedures, terme en voorwaardes streng nakom om as wenner in aanmerking te kom.
  2. Deelname in die kompetisie dui daarop dat deelnemers alle Reëls, Prosedures, Terme en Voorwaardes gelees, verstaan en instem om dit na te kom.
  3. MootGi bestuur behou die reg om Deelnemers en ”wenners" te diskwalifiseer indien daar enige oneerlikheid of oortreding van die Reëls, Prosedures, Terme en Voorwaardes vermoed word — tydens enige fase van die kompetisie.
  4. MootGi en hul kontrakteurs aanvaar geen verantwoordelikheid vir skade of verlies van inkomste op enige wyse, wat spruit uit deelname aan die MootGi Boomplantkompetisie nie.
  5. Deelnemers gee MootGi die reg om hul foto inskrywings in die media te publiseer.
  6. Met jou inskrywing aanvaar MootGi dat jy toestemming gee om jou soms te nader met promosies, bemarking en nuusbriewe.

5. Wie mag deelneem en waar

  1. Deelnemers moet bo 18-jarige ouderdom wees.
  2. Deelnemers mag slegs by hul eie woonadres bome plant om aan die kompetisie deel te neem.
  3. Bome mag slegs op eiendom geplant word waar deelnemers woon, en toegangsreg tot die eiendom het, asook toestemming by die eienaar/huurder het.
  4. Geen bome wat op openbare of publieke grond geplant word, sal aanvaar word nie.
  5. Slegs een boom per inskrywing.
  6. Bome wat in potte geplant word sal nie in aanmerking kom nie, dit moet in ’n gat in die grond geplant word.
  7. Bome mag nie van steggies af geplant word om vir die kompetiesie in te skryf nie. Bome wat ingeskryf word moet ten minste 20-30cm hoog wees en reeds ’n boom vorm hê.
  8. Indien lede van dieselfde huisgesin of inwoners van dieselfde woonadres (bv. by ’n kommune) deelneem, moet daar bewys kan word dat elke lid sy eie boom geplant het. Bv. 5 inskrywings by ’n woonadres, moet 5 bome en hul gate kan bewys.
  9. MootGi bestuurslede, sowel as hul gesinne, mag nie deelneem nie.

6. Prys trekking en bekend maak van wenners

  1. MootGi bestuur se beslissing is finaal en daar sal in geen verdere korrespondensie of gesprek getree word aangaande die aanwysing van wenners nie.
  2. MootGi bestuur sal die wenners met ’n gelyke-kanstrekking aanwys (uit ’n hoed).
  3. Wenners sal per WhatsApp in kennis gestel word.
  4. MootGi sal wenners drie keer tydens kantoorure WhatsApp, as die persoon nie tydens dié kontak poging bereik kan word nie, of op die selfde dag antwoord nie, sal ’n nuwe wenner getrek word.

7. Oorhandigingsgeleentheid

  1. Deelnemers stem in om ’n oorhandigingsgeleentheid en foto-sessie saam met MootGi bestuurslede — per afspraak wat alle partye pas (3 opsies deur MootGi voorgestel) — gedurende Desember 2017 toe te staan, by die adres waar die boom wat ingeskryf is, geplant staan.
  2. Deelnemers gee toestemming vir publikasie van foto’s saam met MootGi bestuurslede geneem, in die Januarie uitgawe van MootGi se nuusbrief.
  3. Indien ’n wenner nie beskikbaar is nie, kwalifiseer die persoon outomaties nie vir ’n prys nie, en sal ’n nuwe wenner aangewys word.
  4. Tydens die oorhandigingsgeleentheid en foto-sessie sal die prys deur MootGi bestuur oorhandig word.
  5. Indien MootGi bestuur tydens die oorhandigingsgeleentheid vind dat die reëls oortree is op enige wyse, sal ’n nuwe wenner aangewys word.